Ра'но Сагидуллаева

Жайхун

Әмиў сен едиң ОКС,болдың нәўпир Жайхун,

Талай-талайларды жутқан нағыз жайын,

Ғәзийнең мол еди бурын,сондай тайын

Бурқасынлап толқының "шох", тасқан сайын.

Еки бойың жап-жасыл қалың тоғайлар,

Жайлар еди,туркий тиллес ноғайлылар,

Жайлаўда жайылып,дүркинлеп жылқылар,

Жердиң сәни ақ бөкен ҳам де жейранлар.

Суўыңнан нәр алған,Шырақ,Томарислар,

Тоғайыңда ақырар еди,жолбарыслар,

Толқыныңда жүзер аққуў,фламинголар,

Журтына садық , қыз Гулайым,"Қырқ" қызлар.

Анадан батыр туўған ер- Ерназарлар,

Елин жаўдан қорғап болған парманалар,

"Тынышлық"деп Турым,Айдос бий-бабалар,

Жанын да қурбан қылған нешше даналар!

Халқым мийнет етип бойыңда сайранлар,

-Тасқын суўың қайда кетти,-деп ҳайранлар?!

-Суўың қайтып келгей-дә,-деген ой ойлар!

Басыңнан өтти,нешше-нешше дәўранлар!

Кимлерде толмаған солай пайманалар?!

Кимлергедур бул журт,сондай арманалар!

Суўға кеткен талды беккем қармаланар,

Даўран келсе,бойың гулзарға айланар!

Ра'но Сагидуллаева

Презентация: Жансая (Бийбимерям) Утамбетова.

     03.10.24 22:34

Қарақалпақстан республикасы