Сапура Дошмуратова

KO’MI’LСGEN SIRLARIM📖📖:
# Конкурсқа

Әбу Насыр Муҳаммед Ибн Муҳаммед Әл – Фарабийдиң 1155 – жыллығына бағышланған ,, Әдебий – Азия – 2024 ” таңлаўына.

ӘСИРЛЕР НУРЫ

Қазақ даласында туўылған бала ,
Өмири илимсиз өтпеген қуры.
Әбу Насыр Әл Мухаммед Фарабий ,
Бизлерге теберик әсирлер нуры ,

Жаслайынан болып илимге шаңқақ ,
Ашылған сол себеп дүньяның сыры .
Билиўге қызығып , саўатты аңсап ,
Бизге жетип келди әсирлер нуры.

Тиллерди үйренди зейини менен ,
Арабша , Грекше , тилдиң не түри .
Екинши устазы атақлы деген ,
Орынды алғансаң әсирлер нуры.

Уллы алым болып илим таратқан ,
Саўатланып китапхана Фарабтан .
Келешекке нама нота жаратқан ,
Фарабийди айтсақ әсирлер нуры .

Сабақлықтың бәри қолынан өткен ,
Изертлеў..изертлеў сол болған жыры .
Фарабий мийрасы бизлерге жеткен ,
Көзге сүрме болған әсирлер нуры..

Сапура Дошмуратова
Қарақалпақстан
Шоманай районы.

ҚАРАҚАЛПАҚСТАН РЕСПУБЛИКАСЫ

САПУРА ДОШМУРАТОВА

БӘХӘРИМ…

Тәбият оянып жасылға бөлеп.
Әтирап өзге тусли липасын кийди.
Қыраулы қақаман орнын босатып
Жаснаған бәхарге тек басын ийди…

Әлуан қуслар келип сайраған таңда..
Өпепек шақырар турың дегендей.
Жерге туқым таслар дыйхан бабамыз ..
Жазлық бийдайының ғамын жегендей

Суулар толып ағар мәужирип халлас
Терек бөртик ашқан шырайын берип
Байрамды жетелеп келгенсең саррас..
Наурыз ды акелдиң сән етип көрик

Қызларда толысып сымбаты асқан..
Жигитлер хош болып бәзим қурмақта.
Казанда сүмелек, тағамы тасқан…
Бәхәрим оятып ерте турмаққа

Хош келдиң Наурызым хош келдиң Бәхәр
Пасыллар елшиси өзиңсең билсем..
Илхамды бағышлап таң ерте сәхар….
Байрамда жарасар шырайлы күлсем….

ТЫНЫШЛЫҚ ДЕП УРСА ЖҮРЕГИМ…

Тынышлық деп урып турса жүрегим.
Сен Уатансаң маған мәнги керегим…
Бир шөбиңе зиян жетсе егерде..
Дунямсаңғо арқа сүйер тирегим…

Еллер ара не нәрселер болмаған.
Қыйан- кестен тынышлықты жалмаған..
Бул “”урыстың “” кеули сирә толмаған
Тынышлықты қумсап отыр Аналар

Шырлап қалған нәресте хәм аналар..
Енди олар қай мәнзилди паналар.
Тәниримнен текте мәдет соранар..
Тынышлықты қумсап отыр Аналар

Бахтияр балалықты инам етпеген..
Бирази еле жасқа жетпеген..
Кеулинде жарасы еле питпеген.
Тынышлықты қумсап отыр аналар

Перзентти деп иштен жанып күйгени
Кимисиниң яры бәлким суйгени…
“”Урыс””десе ғазеп отын түйгени..
Тынышлықты қумсап отыр Аналар…

КАРАКАЛПАКСТАН РЕСПУБЛИКАСЫ..

САПУРА ДОШМУРАТОВА

ҚАРАҚАЛПАҚСТАН Республикасы.

Автор ..

САПУРА ДОШМУРАТОВА.

ТАРЫЙХҚҚА НӘЗЕР ….

Маман бий айланып ат шапкан дала.
Аманлык аткосшысын алып жанына.
Тарыйхта из калдырган Каракалпакта..
Онын баскан изин умытпас сирә.

Аралымнан “Майлы-шенгел”-ге шекем.
Оз халкынын мудам арын арлаган.
Жыраулары кобыз алып колына.
Ел алдында дастан кылып жырлаган.

Оннан кейин Айдос карап халкына.
Шукир еткен аткан хар бир аткан танына.
Алдаулыкка тусип Бегис -Мыржыктын.
Калдау деймен баткан хадал канына…

Дауир отип не нарселер болмаган..
Заман болган канаатсиз жалмаган.
Халкы ушын Ерназардай батырлар…
Керек болса шийрин жанын арнаган.

Жийен жырау Кунхожадай шайырлар…
Халкынын турмысын коп жырлап отти…
Кейин ала Ажинияз хам Бердаклар.
Хазирги урпакка инам етти…

Каракалпак деген уллы ауладдын.
Дастур-адебине жалгаскым келер..
Маман бийдин белгилеген тасына …
Тауып алсам егер сырласкым келер.

Халкым еле катнасыкка бейимли.
Ардаклаган агайинди жакынды.
Оз халкыма айтатугын акылым…
Кастерлеп жур Каракалпактай халкынды…

ТӨРТЛИК

Намыссыз қылық етпедим
Асыма түпирип теппедим
Бир сом пулсыз қалсамда
Тәнимди сатып кетпедим

Термилип жулдызды тапқаным
Шабалаң ийттей шапқаным
Харманан қашып аулаққа
Хадалдан баламды баққаным

Шөпледим жыйнап барымды
Насырға шаудырмай арымды
Күн тууып басыма ис түссе
Ағамда сорамай халымды.

Жаманға жорымай жасырдым
Өзимнен өзим тасындым
Шоқлығым басыма жеттиме
Ғыжламай күл болдым басылдым

Етпедим бендеге зарымды
Тәңирден тиледим барымды
Жеңиллик жолына түспедим
Әжелим алсада жанымды

САПУРА ДОШМУРАТОВА

ГҮЗ…..

Жасыл жапырақлар, сарыға дөнип.
Салқын самал әсте ескендей болды.
Саратан ыссыда, орнынан жылжып
Гүзге сәлем берип,босатар жолды.

Пах ширкин,пасылдың сәни басқаша…
Қусларда мәканин, таслап баратыр..
Ақ алтын атызда, қырманы тасып…
Қарасам мәусимим, Гүзим киятыр…

Орден ыққа есип, салқын самалы.
Жапырақлар сыбырлап, сырын айтады.
Тап мегзес адамның, өмири қусап.
Бир шақа жапырағын күнде жойтады…

Тәбиятта ынжығын, көрсетип гейде..
Жауыны, дауылы,нөсер болады.
Хайранман усы гүз паслын айтың.
Бәхардей кимлерге қатты унады.

Айралық мәусим деп, унатпас сени.
Мениң де өзиме, жақпайсаң рас.
Миллионлап, кеуиллер сууып кеттиме.
Гүзге өкпелидей, көринер бираз..

Сонда да, бир әжеп, тилисимиң барма.
Алтын гүз, салқын,гүз атын алыпсаң.
Бирақта өзиңе тән бердим, мине..
Айралық, хижраның отын жағыпсаң.

САПУРА ДОШМУРАТОВА
ҚАРАҚАЛПАҚСТАН РЕСПУБЛИКАСЫ …

ТУРМЫС……

Он жыл болды шаңарақты қурғаның ,
Билмейсеңде турмыстың көп сырларын .
Ул – қызыңа мийрими жоқ әкедей ,
Үлкен миллет келип кетип турғаның .

Хожалықты мойынлапта көрмедиң ,
Сырт ел кетип кем – кем ары өрледиң .
Гүлдей перзент он жасынан өтседе ,
Үйим аў деп бир итибар бермедиң .

Айтыўыңша жумыс аўыр қусайды ,
Келиў ушын өткересең бес айды .
Мына жақта ҳәммесине көнликкен ,
Ҳаял адам перзентим деп жасайды .

Турмыс аңсат емес сезбейсең оны ,
Өткеремиз бәҳәр жазы қыс айды ,
Әке керек перзентлерге бәри бир ,
Ҳаял пақыр перзентим деп жасайды .

Ғалма ғал деп, бәне таптың асырдың.
Мехриңди жақыныңнан қашырдың.
Не былығың билинседе әлемге.
Мойынламай қатлап басып жасырдың.

Керек емес еди, көлик ақшалар.
Әп әнедей, оралып жүр басқалар…
Дөхмет, өсек ,қайым келсе егерде.
Жалғыз хаял бармақ ушы тасланар

Мениң текте усы айтар арызым ,
Қалай болар екен мына барысың …
Умытпағыл ..бәри қалар изиңде..
Шаңарақ бул мойындағы парызың..

Сапура Дошмуратова