Жаңабай Баймуратов

ҚЫЯЛ ДӘРЬЯСЫ

Тасқынлы бир дәрья ағар қанымнан ,

Таўсылмас ойларға тала беремен .

Әрманлы қыяллар кетпес жанымнан ,

Қыял дәрьясында қала беремен .

Нәўпирер толқынлап жағысқа урып ,

Жолында ышқының жана беремен .

Шексиз қосықларым алдыға сүрип ,

Ыңылдап намаға сала беремен .

Тәбият мени тек солай жаратқан ,

Жақсылық тиленип бара беремен .

Балалығым өткен Әмиўдәрьям бар ,

Суўы толса илҳәм ала беремен .

Суўында шомылдым ойнап жағыста ,

Қайығын айдадым күшли ағыста .

Таң қалып гүзинде ғайры нағысқа ,

Сүўретин төртликке сала беремен .

Саўал бар: гей ўақта өзи мен киммен ?

Жалаң аяқ тоғай , қумда ойнаған .

Шүкирлик етемен ҳәр өткен күннен ,

Жүрегимде бир қус бүлбил сайраған .

Жақсыларды көрсем тасар илҳәмим .

Соларды улығлап бара беремен .

Жаманлардың жақтырмайман қылғанын ,

Қыял батпағында қала беремен .

Мәўжирип ағады қыял дәрьясы ,

Ойлар шақасына қона беремен .

Мейли не болсада болсын кейини….

Усы ойлар менен бола беремен .

Жаңабай Баймуратов

     14…10…2024.

Презентация: Жансая (Бийбимерям) Утамбетова.

Қарақалпақстан республикасы