АНА СЕНИ ОЙЛАЙМАН

Балам дейсең, санамастан жасымды,

Аллам пана қылған сендей ҳасылды,

Қабириңе қойып бүгин басымды,

Аңсап, жерге-аспанларға сыймайман.

Мыслы айдай болған жыллы жүзиңди,

Моншақ-моншақ жаслар төккен көзиңди,

Әжел алып кеткен мына өзиңди,

Қара топыраққа сени қыймайман.

Не сорасам дер едиңиз бәрин ал,

Күйип пистиң қалғанынша жалғыз тал,

Сол жалғызды жасырып-ақ орамал,

Тағып турғаныңды ана ойлайман.

Тағдир дедик мойнымызға артқанды,

Мойынладық таң атып соң батқанды,

Аллам пана, алла қорғар жатқанды,

Деп өзиңизге дуўа жоллайман.

Мен балаңман хәр күн сени ойлайман.

Жатқан жериңиз жәннетте болсын!!!

✍Улзада Жолдасова

Презентация: Жансая (Бийбимерям) Утамбетова.

Қарақалпақстан республикасы